رحــــلتنا إلى .. (مجمع الــ؟ـــظهران؟)
هههههههههههههه بالغت في كلمة (رحلة ) ..بس لأنها عن جد كانت طلعه هووووووووووووووووبه
اللي راحو الرحله عبارة عن (أنا-أمي-رايقه بقوة-أمها- دلوعه سيهات- برشلونه- اختها - حماسيه -اختها-بنت خالتها- خوانها -وحريمهم)
الروحه كانت بمناسبه عيد ميلاد حماسيه
واتفقنا يوم الخميس وعلى الساعه 3 مشينا << واحنا مخططين نطلع 2
وعلى ما اخوها دار علينا كلنا وركبنا الباص <<لأن بباص رحنا>> ومشينا كلنا نحو الظهران ..
كانت الرياح عاتيه ههههههههه تطير كلشي ...طبعا أنا ..لمن جيت انزل كنت لابسه كعب ..وعند النزله فيه زي الدوسه الربل على طول النزله مخرمه ..وحلاتي انا لابسه كعب وقزمي
اوبيييييييييه كان يدخل الكعب بادوائر وانزل واطيح واطيح العفش وياي ..
ماعليه ماعليه ..بداية الفلم
طبعا نزلنا كلنا ودخلنا وياحليلنا جوعانين وتصيدنا صلاة جعفر الطيار ..صلاة الظهر كانت لسا مو مخلصه ...
...نستنى ديك الصلاه تخلص...مافيه ...
قرينا اوراق العطور واللي يوزعونهم
ونستنى ..مافيه .....ياولاد الحلال خلــ...فتحوا..
رحنا عى طول المطاعم .. وجلسنا ندور طاولات طبعااحنا شله نحتاج فنتي ..والخميس..ياسلااام على الزحمة .. وندور ندور ندور ندور على ماحصلنا ديك الطاوله ولا وصخه بعد ..خلصو فنين من طاولتهم وسحبناها عندنا وصرنا نروح على فرقتين ..أ وب وفاي .. (أ: حماسيه-اختها-بنت خالتها-وحريم خوانها)(ب:انا-رايقه-دلوعه-برشلونه-اختها)(فاي:
أمي وأم رايقه
) ..
أمجموعه أ قعدت على الطاوله تحجز وب راحو يجيبون أكلهم وفاي راحو يدورون يتسوقون .. رجعت ب وراحت الف ..رجعو الفوبا تغدو وقامو ..وتفرغو فاي يطلبون لهم غدا ..
تقسمنا ..أ راحو جهه ..و ب راحو التوسعه عشان آنسه برشلونه تبي تاخذ لها بلوزة برشلونه من محل لسبورت
..
عاد التوسعه وما أذراك مالتوسعه .. دخلنا هناك وتقسمنا بعد ..اخت برشلونه وي دلوعه راحو بحلهم ..وانا ورايقه وبرشلونه صرنا بحالنا .. خذنا غرض برشلونه ..ورحنا نكمل سيده نشوف المحلات ..المكان كله فاضي تقريبا وكللهم 3 محلات اللي فيه بس بين كل محل ومحل 20 محل يادافع البلا ..واحنا الخبلان بدل مانرجع كملنا سيده مفكرين دلوعه واخت برشلونه قدام ..ونمشي ونمشي ونمشي ونمشي ..ياباب وينك ..مافيه .. ونمشي ونمشي ..يمكن حوالي 3 اميال .. نبي نطلع مافيه .. دقو علينا دلوعه واخت برشلونه ..
ترن ترن ترن ..
برشلونه : الووووووووووووووه وينكم
اخت برشلونه: انتي اللي وينكم احنا نستناكم عند المحل
برشلونه:
اخت برشلونه : ارجعو ارجعو بس
برشلونه: ويش نرجع تذرين كم وحنا نمشي؟؟
اخت برشلونه : أجل منوين بتطلعين ياحظي؟؟ <<ماعندها كانت خلفيه
برشلونه: مافيه مخرج قدام؟؟
اخت برشلونه: لا ماتوقع تقولون منزمان تمشون ولا شفتون باب ماتوقع واحنا اخر شي منوين بتطلعون ؟؟
أنا سمعت مافيه مخرج : وشوووووووووووه << عاد انا وحدتن هواش وي المشي وكعب ؟؟ انا غبيه يوم جيت بكعب ..اوبيييييييييييييييه ويش اسوي ..
خفت اتكلم عن رجلي ويتحنطبون علي لان بس انا اللي جيت بكعب ..
طلعت لي نفيخه تحت صبعي الصغير .. المهم اني وقفت مره كانت تمشي ..
انا: لو سمحتي خيه في مخرج آخر التوسعه ؟
المره : ايوه فيه ( الظاهر) << شكلها زهقت واهي تمشي وقالت ترجع ابرك لها ..
برشلونه: خلونا نرجع يمكن مافيه ..
انا: لاااااااااااا مشينا واجد اتوقع شوي وبنشوف مخرج
رايقه : اي نكمل احسن .
وطبعا انا صرت قدام واهم وراي << قائده << امحق ..الموهيم
انا كنت ابغا اشتريلي بنطلون جينز سكيني .. وانا مواعده امي على المغرب نرجع وفي صلاة عصر جايه بعد .. اووووبييه ..تذكرت وصرت احورب في رجلي في سبيل الجينز ..
وانا امشي وانافخ خلاص تقدمت عنهم شوي عشان يمديني اجلسس في محل عبال مايجون وراي
وبعدين شفت على الزجاج المكشوف هايبر بنده وتيز آر أص ؟؟؟...
وانا بعيد اصوت لهم ..
ياجماعه ياجماعه ..
ترا رجعنا بدايه المجمع عند ماركس اند سبنسر .. هيييييييييييييييه ..وجلسنا نضحك << ولا طالعين من صحراء كلاهاري .. (بس والله التوسعه فاضيه مافي الا احنا بروحنا) ..
طلعنا ووينك يالكرسي..شفنا كرسي وعلى طول فشينا عليه .. انا ظهري من الكعب ورجلي والبنات رجولهم ..
طبعا دلوعه واخت برشلونه لحقونا اهم بعد وعلى ماطلعو جات صلاة العصر ولاااا شرينا حاجه ..
بعدين رحنا الحمامات ..اوبييييييه الحمام صار ملجأ متشردين مو حمام ..كتتتتتتتتتتتتتمه واللي منسدحه نايمه واللي متربعه واللي والله انتو روحو وشوفو ..
طلعنا لان خلاص كتمه حده واجتمعنا بمجموعه أ بس بدون اخوان حماسيه وحريمهم .. بس حماسيه واختهاوبنت خالتا ..جلسنا ندور على ماخلصت صلاة العصر .. ودخلنا تسوقنا
وانا طبعا اول شي شريته نعال جديد ..حتى اني كتبت عليه ذكرى هاليوم ..
مكتوب طلعه الشله واكو التاريخ محطوط هههههههههه الإصدار
صادتنا صلاة المغرب وراحت حماسيه وي اختها وبنت خالتها يصلون في الحمام اللي عند المطاعم واحنا نصنا صلى والنص الثاني رحنا لهم عند قسم المطاعم
وبعدين تجمعنا وطلعنا برى ............وام لهبال قاااااااااااااااااااااااام اوبببببببببيه ...
ركبنا لعبة السياره اللي تروح وق وتنزل وركبنا اللي تدور تعور لرقبه واللي تروح فوق وتنزل تحت وطيحنا نعلتنا فوق الأوادم .. وصارو الناس يركون ويانا يستهبلون نصفق ونضحك ونصرخ <<
مع ان الألعاب بايخه بس على قوله (حماسيه)
والله يأم عباس...مالك علي حلفان ..
إنشالله يعجبكم الموضوع ..واتمنى رأيكم فيه