يقولون مالا يفعلون

اليوم جايبه لكم شعر حق حامد زيد بصراحه تعجبني أشعاره
(((يقولون ما لا يفعلون)))
مابقى الاسود الايام تحرمك الرقاد
كيف الاوهام اتجر تسريك امغبون؟
من متى تجزع من الدمع..وتخاف البعاد؟
من متى تقفي بك ظنون‘وتجيبك ظنون؟
صرت تاخذ(كذبتي‘صدق)(ومزاحي‘وكاد)
لو بقول:اني بخونك..تحسب اني بخون!
ماتعرف ان كل شاعر((يهيم بكل واد))؟
وانهم دايم((يقولون مالا يفعلون))؟!
أبك انا لو قلت:بنساك‘وانكرت الوداد
إعرف اني مانسيتك..ولاهم يحزنون
من جزع من صفعه الشمس..يطمع بالبرود
ومن فقد وجهاته الخمس ..يلقى بك ركون
إعتبراها هفوة انسان‘أو كبوة جواد
لو بتسمح‘فانت غالي‘ولو تجرح تمون
عد صداتك مروة‘ وطعناتك ضماد
خلهن..لاراحن طعون‘ ولا ردن طعون
خنجرك يستاهل الطعن‘ ومتوني شداد
ومنك يازين الخناجر ‘ويا بخت المتون
رد لي حنية المزح..باحساس الجماد
خلنا واحد يجي صلب..والثاني حنون
موت فيني‘ واندفن فيك بثياب الحداد
وان حييت‘ اموت لرضاك..واحيا بك بهون
مرة أرقد بالكفن ‘وانت ترقد بالمهاد
مرة ارقد بالمهاد‘ وانت ترقد بالكفون
لاتقول:شجونك شجون..وعنادك عناد
البلا ان عنادك عناد..وشجونك شجون
ربك اللي سخرك لي تقود..وما تقاد
والله الخالق‘(ولله في خلقه شؤون)
أزرع ضلوعي من رضاك ‘وابشر بالحصاد
لعنبو من جيت ترضيه ‘وترد امحزون
بس تسوى لك بلد؟.قول:تسوى لك بلاد
أنت كل العالم بكون..ولحالك بكون
مابعد محبتك حب ومرادك مراد
غير كونك سيد حشاي تدري من تكون؟
نعمتين اختصن الخلق من (جود الجواد)
كافل الأرزاق من حيث مالاتعلمون
البنون ونعمه المال..بعيون العباد!!
زينه الدنيا بلا شك..في كل العيون
مثل زينه دنيتي بس عندي شي زاد
من عرفتك صارواالمال وانته والبنون)
أنتشي بك نشوة التيه (لعناق)الرشاد
وافزع لك بفزعه القرم(لشهاق)الزبون
واحصنك تحصين(الازاق)..عن درب الفساد
واعشقك عشق المظاليم..(لفراق)السجون
لو تزيد الشوق(جمرة)..تحولني رماد
لو يزيد العشق(شعرة)..بوصل للجنون
خل هقواتك كبيرة..ونظراتك بعاد
كانك انت بكبرك تهون من اللي مايهون
أزعلك وارهن حياتي تحت رحمه زناد؟؟
إتهبا...لاوالله الا انت والموت تهبون
عاد اذا ماارضاك هرجي ولا اللي قلت فاد
(إننا لله وإنا إليه راجعون )
وانت باكر بتعرف على ناس جداد
والكلام يجيك من كل شكل وكل لون
لاتحسب ان كل (كلمه)بتسمعها..وكاد
ولاتصدق هرج شاعر وتخدعك الظنون
دايم اعرف(كل شاعريهيم بكل واد)
وانهم دايم (يقولون مالا يفعلون)
حتى انا اللى قلت:أعشقك وما اطيق البعاد
((يمكن اطلع ماعشقتك ..ولا هم يحزنون))
تحيـــــــــــــــــــــــــــــــــــــــــــاتي